Mjódd

Bakarameistarinn opnaði sitt annað kaffihús í Mjódd í september 1996 en það varð fljótlega sambland af bakaríi og kaffihúsi og hefur síðan notið mikilla vinsælda í þeirri mynd. Árið 2007 voru gerðar gagngerar endurbætur á kaffihúsinu og bættust þá bæði við sæti í göngugötu og fimmtíu sæti innandyra. Þessar breytingar þóttu takast vel og fóru viðtökurnar fram úr okkar björtustu vonum. Í Mjóddinni myndast mikil stemning við göngugötuna og er tilvalið að kíkja þar við, til að mynda eftir göngutúr um Elliðaárdalinn, fá sér kaffi og tertusneið og njóta mannlífsins allt í kring.